جمائمہ کے بھائی کھل کر مسلمانوں کے خلاف میدان میں آگئے
jemima khan brother imran khan

چیئرمین تحریک انصاف عمران خان کے سابق برادر نسبتی اور صیہہونیت کی راہ پر گامزن برطانوی سیاستدان زیک گولڈ سمتھ نے امریکہ کا سفارتخانہ مقبوضہ بیت المقدس منتقل ہوتے ہی اپنا اصل روپ دکھانا شروع کردیا ۔ 

زیک نے بجائے قاتل اسرائیل کی مذمت کرنے کے پیر کے روز ہونے والے قتل عام کا ذمہ دار فلسطینیوں کو قرار دینا شروع کردیا اور ایسی ایسی توجیحات گھڑ لیں کہ بندے کو ان کی ذہنی صحت پر ہی شک ہونے لگتا ہے۔پیر کے روز امریکی سفارتخانہ تل ابیب سے مقبوضہ بیت المقدس منتقل کیا گیا جس پر فلسطینیوں کی جانب سے شدید احتجاج دیکھنے میں آیا۔ صیہونی دہشتگرد فورسز نے انتہائی بے دردی کے ساتھ نہتے مظاہرین کو گولیوں کا نشانہ بنانا شروع کردیا اور ایک ہی دن میں 54 سے زائد شہریوں کو شہید اور 2 ہزار سے زائد کو زخمی کردیا۔ فلسطینیوں پر ہونے والے اس ظلم کی ہر جانب سے مذمت کی گئی لیکن کچھ  بے ضمیرقسم کے لوگ ایسے بھی ہیں جو اس قتل عام کو جائز قرار دینے کیلئے انتہائی بودی اور شرمناک قسم کی توجیحات پیش کر رہے ہیں۔عمران خان کی سابق اہلیہ جمائمہ خان کے بھائی زیک گولڈ سمتھ جنہوں نے پاکستانی نژاد صادق خان سے لندن کے میئر کے انتخاب میں بری طرح شکست کھائی تھی نے ٹوئٹر پر فلسطینیوں کے خلاف زہر اگلنا شروع کر رکھا ہے۔ اپنے ایک ٹویٹ میں زیک گولڈ سمتھ نے کہا ’’حماس کے وزیر اعظم نے کہا ہے : ہم بارڈر ختم کردیں گے اور ان کے جسم چیر کر ان کے دل نکال لیں گے، حماس کا وزیر اعظم احتجاج کو اس نظر سے دیکھتا ہے جبکہ ہمارے بعض ارکان پارلیمنٹ بھی اسے گاندھی کی طرح کی بھوک ہڑتال سے تشبیہہ دے رہے ہیں لیکن اس سے ایک بات واضح ہوگئی ہے کہ یہ معاملہ اتنا بھی سیدھا نہیں ہے‘‘۔خیال رہے کہ زیک گولڈ سمتھ وہی شخص ہے جس کی عمران خان نے میئر لندن کے انتخابات میں پاکستانی نژاد صادق خان کو چھوڑ کر حمایت کی تھی۔زیک گولڈ سمتھ کی جانب سے اپنا گھناؤنا چہرہ دکھانے پر سوشل میڈیا صارفین نے ان کی خوب کلاس لی۔ بلال حسام نے زیک گولڈ سمتھ کو آئینہ دکھایا اور کہا کہ حماس کا یہ بیان ایسے ہی ہے جیسے ریپ کا شکار خاتون کہے کہ وہ دنیا سے جنسی درندوں کا خاتمہ کردے گی، آپ کے ٹویٹ کا مطلب یہ لیا جائے کہ ریپسٹ کو ریپ کرنے دیا جائے ؟۔جیو کیرن نامی صارف نے زیک گولڈ سمتھ پر چڑھائی کردی اور کہا کہ کوئی بھی شخص مسئلہ فلسطین کو سادہ نہیں  سمجھ رہا لیکن آپ بندوق کی نوک پر لوگوں کو سالوں تک یرغمال بنا کر نہیں رکھ سکتے، فلسطینیوں پر گولیاں چلانا جواب نہیں ہے۔حارث شیرازی نے معاملہ ایک لفظ میں سمیٹتے ہوئے زیک گولڈ سمتھ کو ’ بے شرم ‘ قرار دے دیا

تازہ ترین

اپنا تبصرہ چھوڑیں

متعلقہ خبریں