عالیہ کی رنیبر کے ساتھ پیرس نہ جانے کی اصل وجہ سامنے آگئی
alia bhatt paris ranbir kapoor

بالی ووڈ کی نوجوان اداکارہ عالیہ بھٹ کی رنبیر کپور کے ہمراہ نیتو سنگھ کی سالگرہ پر پیرس نہ جانے کی وجہ سامنے آگئی۔

بھارتی فلم نگری میں اپنی اداکاری سے ہلچل مچانے والے چاکلیٹی ہیرو رنبیر کپور اور عالیہ بھٹ ان دنوں فلموں کی مقبولیت کے ساتھ ساتھ دونوں کے درمیان چلتی کیمسٹری کی وجہ سے خبروں کی زینت بنے ہوئے ہیں جس کا اعتراف دونوں ہی اداکار کرچکے ہیں اور ایک دوسرے کی فیملی سے ملاقاتیں بھی کیں جارہی تھیں لیکن اچانک اس سلسلے میں کمی دیکھنے میں آئی جس کی وجہ عالیہ بھٹ کا انکار کہا جارہا ہے جو انہوں نے رنبیر کی والدہ نیتو سنگھ کی سالگرہ پر پیرس جانے سے کیا تھا۔بھٹ خاندان کے قریبی ذرائع کا کہنا ہے کہ عالیہ کی پیرس نہ جانے کی اصل وجہ اُن کے والد و معروف ہدایت کار مہیش بھٹ ہیں کیوں کہ بھٹ صاحب ہمیشہ چاہتے ہیں کہ اداکارہ کو اپنی تمام تر توجہ کام پر رکھنی چاہئے اور اسی وجہ سے عالیہ بھٹ نے اپنے والد کے حکم کی پاسداری کرتے ہوئے نیتو سنگھ کی سالگرہ پر پیرس جانے کے بجائے اپنی فلم ’براہمسترا‘ کی شوٹنگ پر جانے کا فیصلہ کیا۔اس سے قبل معروف ہدایتکار مہیش بھٹ نے دونوں اداکاروں سے متعلق کہا تھا کہ رنبیر اور عالیہ کے درمیانایسا کچھ نہیں ہے جس طرح کی خبریں میڈیا پر چل رہی ہیں جب کہ میں اُن والدین کی طرح بھی نہیں جو اپنے بچوں کو ذاتی پسند کا مشورہ دیتے ہوں۔واضح رہے رنبیر کپور کی زندگی میں عالیہ بھٹ سے قبل اداکارہ دپیکا پڈوکون اورکترینہ کیف بھی آچکی ہیں تاہم دونوں اداکاراؤں کے ساتھ رنبیر کپور کا رشتہ زیادہ عرصہ نہ چل سکا اور رنبیر نے ان سے اپنی راہیں جدا کرلیں۔

تازہ ترین

اپنا تبصرہ چھوڑیں