ایتھیوپیا میں عہدِ اسلامی کا شہر اور مسجد دریافت
ethopia masjid city islam

ایتھیوپیا میں 1000 سال قدیم مسجد اور اس کے ملحق مکانات دریافت ہوئے ہیں جس سے وہاں اسلامی عہد اور تاریخ  کو جاننے میں بہت مدد مل سکے گی۔

یونیورسٹی آف ایکسیٹر سے تعلق رکھنے والے پروفیسر ٹموتھی انسول نے ایک دریافت کی ہے جس میں ایتھیوپیا کے دوسرے بڑے شہر دیرے داوا میں اسلامی عہد اور تاریخ کے حوالے سے کچھ  آثار ملے ہیں جنہیں دیکھ کر بعض لوگوں نے اسے عجیب الخلقت دیو کی رہائش گاہ قرار دیا تھا تاہم اب یہاں پتھروں سے بنی عمارتیں اور گھر دریافت ہوئے ہیں جو دسویں صدی عیسوی میں تعمیر کئے گئے تھے۔ ہرلا کے نام سے مشہور اس جگہ سے اہم دریافت بارہویں صدی عیسویں میں تعمیر کی گئی ایک مسجد ہے جس کے قریب قبرستان اور کتبے بھی ملے ہیں۔ اس جگہ کئی ایسی اشیا ملی ہیں جن کا تعلق چین اور ہندوستان سے ہے جو ظاہر کرتی ہیں کہ یہ خطے تجارت کے ذریعے دور دراز علاقوں سے جڑا ہوا تھا۔ پروفیسر ٹموتھی کے مطابق ایتھیوپیا میں اسلامی آثارِ قدیمہ کو بری طرح نظر انداز کیا گیا ہے۔

دریافت میں یہاں سے شیشے کے ٹکڑے ، قیمتی پتھر، تسبیح کے دانے اور مٹی کے برتن بھی ملے ہیں۔ اس کے علاوہ تیرھویں صدی کے مصری سکے بھی ملے ہیں۔ اس کے پاس ہی 300 لوگوں کا ایک قبرستان بھی ملا ہے جس پر مزید تحقیق کی جارہی ہے۔ واضح رہے کہ ایتھیوپیا انسانی ارتقا کی دریافتوں میں بھی غیرمعمولی اہمیت رکھتا ہے۔ یہاں سے 31 لاکھ 80 ہزار سال قبل انسانی کھوپڑی ’لوسی‘ دریافت ہوئی تھی جس نے 1974 میں ایتھیوپیا کو غیرمعمولی شہرت عطا کی تھی۔

تازہ ترین

اپنا تبصرہ چھوڑیں